الداخلة تايمز

جنوب افريقيا دخلات عند المغرب و بدا العمل الاقتصادي و ها التفاصيل الصفقة كاملة

جنوب افريقيا دخلات عند المغرب و بدا العمل الاقتصادي و ها التفاصيل الصفقة كاملة

الداخلة تايمز //// كود 

رسميا اليوم الخميس 11 اكتوبر 2018 تمات صفقة القرن اللي بموجبها باعت “ساهام فينانس” 53.37 بالمائة للعملاق الجنوب الافريقي في التأمينات “سانلام” بقيمة مليار دولار. هاد الشي اكداتو المجموعة نفسها فبيان لها اذ اوضحت “هذه العملية، تدخل حيز التنفيذ انطلاقا من 11 أكتوبر 2018” بعد ان حصلت “على مختلف التراخيص من طرف هيآت التقنين لدى الدول المعنية. وبمقتضى ذلك، تحوز Sanlam و Santam تباعا 90% و 10% من رأسمال SAHAM Finances

هاد الصفقة تجارية اييه ولكن سياسية كذلك. هذا اول تعاون كبير بين المغرب وجنوب افريقيا اللي العلاقات بيناتهم ماشي حتى لهيه بسباب الصحرا. التعاون جا من القطاع الخاص. دابا مع استثمار المجموعة الجنوب افريقية لمليار دولار عبر اقتناء شركة مغربية خاصة الامور اكيد غادية تغير. لغة لفلوس اقوى من لغة السياسة خاصة فدولة ليبرالية بحال جنوب افريقية. دابا ولى عند المغرب محامي كبير وقوي بزاف يدافع عليه. خاصة ان المجلس التنفيذي ديال “سانلام ايميرجين ماركيت” انضمات ليه نادية فتاح احدى مهندسات هاد البيعة والشرية واللي بقات لحد الان فمنصبها كمديرة عامة ل”ساهام فينانس”.

للاشارة فان المغرب تعاطل باش يعطي المواقفة على هاد الصفقة. ماشي غير هو من اصل 23 دولة كان خاصها تعطي هاد الموافقة٬ حقاش فيها فروع ل”ساهام”٬ كان المغرب الدولة 21 اللي وافقات وبعدو جات جوج دول. باش جمعو كاع الموافقات تم الاعلان اليوم رسميا على انهاء عملية الاقتناء




أضف تعليقك
    تعليقات الزوار